திருப்பதி கோயிலில் 6ம் தேதி வைகுண்ட ஏகாதசியையொட்டி சொர்க்கவாசல் வழியாக அதிகாலை 2 மணி முதல் பக்தர்கள் அனுமதிக்கப்படுகின்றனர்.
திருப்பதி ஏழுமலையான் கோயிலில் ஆங்கில புத்தாண்டு, வைகுண்ட ஏகாதசியையொட்டி இன்று முதல் 1ம் தேதி வரை சுவாமி தரிசனம் செய்ய வரும் பக்தர்களின் வசதிக்காக அனைத்து ஆர்ஜித சேவைகளும் ரத்து செய்யப்பட்டு உள்ளது.
இதேபோன்று வைகுண்ட ஏகாதசி மற்றும் துவாதசியையொட்டி 5ம் தேதி முதல் 7ம் தேதி வரை அனைத்து முன்னுரிமை தரிசனங்களும், கட்டண சேவைகள், சர்வ தரிசனம், திவ்யதரிசனம், அங்கபிரதட்சணம் ஆகியவை ரத்து செய்யப்படுவதாக தேவஸ்தானம் அறிவித்துள்ளது.
வைகுண்ட ஏகாதசியையொட்டி காலை 2 மணி முதல் முக்கிய பிரமுகர்கள் தரிசனத்திற்கு அனுமதிக்கப்பட உள்ளதாக தெரிவிக்கப்பட்டுள்ளது. இதற்கிடையே, வைகுண்ட ஏகாதசியையொட்டி திருப்பதி ஏழுமலையான் கோயிலில் இன்று ஆழ்வார் திருமஞ்சனம் நடைபெற உள்ளது. இதையொட்டி 6 மணி நேரம் பக்தர்கள் தரிசனம் நிறுத்தப்படுகிறது.