மதுரையில் ஆண்களுக்கான மாபெரும் தென்னிந்திய கபடி போட்டி

மதுரையில் நடந்த கபடி போட்டியில் சென்னை ஐ.சி.எஃப் அணி வெற்றி பெற்று 1 லட்சம் ரூபாய் ரொக்கப் பரிசை வென்றது.

ஒத்தக்கடையில் உள்ள தனியார் திறந்த வெளி மைதானத்தில் ஆண்களுக்கான மாபெரும் தென்னிந்திய கபடி போட்டி நடைபெற்றது. இப்போட்டியில் தமிழகம், கர்நாடகம், கேரளா, ஆந்திரா, பாண்டிச்சேரி உள்ளிட்ட பல்வேறு மாநிலங்களைச் சேர்ந்த 32 அணியினர் கலந்துகொண்டனர். போட்டியைக் காண மதுரை, சிவகங்கை, நத்தம், மேலூர் உள்ளிட்ட பல்வேறு பகுதிகளில் இருந்து கபடி ஆர்வலர்கள் பலரும் கலந்துகொண்டனர். இந்தப் போட்டியில் வெற்றி பெற்ற கபடி அணியினருக்கும், சிறந்த பிடி வீரருக்கு சுமார் 7 லட்சம் ரூபாய் மதிப்பிலான ரொக்கம் மற்றும் பரிசுப்பொருட்கள் வழங்கப்பட்டன. அதேபோல், இந்த கபடி போட்டியில் முதல் பரிசை ஐ.சி.எஃப் சென்னை அணியும், 2வது பரிசை சென்னை தபால் துறை அணியும், 3வது பரிசை சென்னை கஸ்டம்ஸ் அணியும் வென்றன.