உலகிலேயே அதிகம் சம்பளம் வாங்கும் பட்டியலில் ஹாலிவுட் நடிகை ஸ்கார்லட் ஜோகன்சன் முதல் இடம் பிடித்துள்ளார்.
ஸ்கார்லட் ஜோகன்சன் ஒரு பிரபல ஹாலிவுட் நடிகை. சூப்பர் ஹீரோ கதாபாத்திரங்களை மையப்படுத்தி எடுக்கப்பட்ட ‘அவெஞ்சர்ஸ்’ படங்களில் நடித்து புகழ்பெற்றவர்.ஹாலிவுட்டில் தனது நடிப்பிற்காக தனி ரசிகர் கூட்டத்தை உருவாக்கியவர்.இவரின் ஆரம்ப கால சம்பளம் பற்றி நமக்கு தெரியாது.ஆனால் தற்போது அவர் ஒரு படத்திற்கு வாங்கும் சம்பளமானது ரூ.400 கோடியாகும்.
அமெரிக்காவின் ‘Forbes’என்ற நாளிதழ் ஆண்டு தோறும் உலக பணக்காரர்களின் பட்டியலை வெளியிட்டு வருகிறது.அந்த வகையில், அதிக சம்பளம் வாங்கும் நடிகைகளின் பட்டியலை தற்போது ‘Forbes’ இதழ் வெளியிட்டுள்ளது. இதில் பிரபல ஹாலிவுட் நடிகையான ஸ்கார்லட் ஜோகன்சன் முதல் இடத்தை பிடித்துள்ளார்.
இவருக்கு அடுத்தபடியாக, ஹாலிவுட் நடிகை சோபியா வெர்ஹரா இப்பட்டியலில் 2-வது இடத்தில் உள்ளார். இவர் தற்போது ரூ.329 கோடி சம்பளம் வாங்குவது குறிப்பிடததக்கது.