பாலமேடு ஜல்லிக்கட்டில் பங்கேற்கும் மாடுபிடி வீரர்களுக்கான முன்பதிவு இன்று நடைபெறுகிறது.
தமிழகத்தின் அவனியாபுரம், அலங்காநல்லூர், பாலமேடு ஆகிய ஊர்களில் நடைபெற கூடிய ஜல்லிக்கட்டு போட்டிகள் உலக புகழ் பெற்றவையாகும். இந்த ஆண்டு பொங்கல் பண்டிகையையொட்டி வரும் 15ஆம் தேதி அவனியாபுரத்திலும் 16ஆம் தேதி பாலமேட்டிலும், 17ஆம் தேதி அலங்காநல்லூரிலும் ஜல்லிக்கட்டு போட்டிகள் நடைபெறுகின்றன. அலங்காநல்லூர் ஜல்லிக்கட்டில் பங்கேற்க 848 மாடுபிடி வீரர்களுக்கு அனுமதி வழங்கப்பட்டுள்ளன. இதேபோல் அவனியாபுர ஜல்லிக்கட்டு போட்டிக்கான மாடுபிடி வீரர்கள் தேர்வு நடைபெற்று வருகிறது. இந்தநிலையில் பாலமேடு ஜல்லிக்கட்டில் பங்கேற்கும் மாடுபிடி வீரர்கள் தேர்வு இன்று நடைபெறுகிறது.