இஸ்ரோவின் ககன்யான் திட்டத்தின் கீழ் விண்வெளிக்கு செல்லும் வீரர்களுக்கான தேர்வு தொடங்கியுள்ளது.
2022ம் ஆண்டு, இந்திய விண்வெளி ஆய்வு நிறுவனமான இஸ்ரோ விண்வெளிக்கு வீரர்களை அனுப்பும் ககன்யான் திட்டத்தை செயல்படுத்த உள்ளது. இதற்கான வீரர்கள் தேர்வு இன்று பெங்களுருவில் தொடங்கியது. மொத்தம் 30 வீரர்கள் தேர்வு செய்யப்பட்டு ரஷ்யாவுக்கு பயிற்சிக்கு அனுப்பப்பட உள்ளனர். மிகத் தீவிரமான உடல் திறன் தேர்வு, மருத்துவம், மனோதிடம் உள்ளிட்ட சோதனைகள் முதற்கட்டமாக நடத்தப்பட்டன. தேர்வு செய்யப்பட உள்ள வீரர்களின் முதற்கட்ட பரிசோதனை நிறைவடைந்திருப்பதாக விமானப்படை அறிவித்துள்ளது. இந்தநிலையில், 30 வீரர்களில் இருந்து 3 வீரர்கள் மட்டும் இறுதியாக தேர்வு செய்யப்பட்டு விண்வெளிக்கு அனுப்பட உள்ளனர் என்பது குறிப்பிடத்தக்கது.