மேட்டூர் மின் வாரிய பணிமனையில் நடைபெற்ற கேங்மேன் பணிக்கான தேர்வில், ஒரு பெண் உட்பட, 396 பேர் தேர்வாகியுள்ளனர்.
சேலம் மாவட்டம் மேட்டூரில் உள்ள மின் வாரிய பணிமனையில், கடந்த 2-ம் தேதி முதல் கேங்மேன் பணிக்கான தேர்வு நடைபெற்றது. இந்த தேர்வில், ஆயிரத்து 195 ஆண்களும், 120 பெண்களும் போட்டியிட்டனர். இதில் மொத்தம் 395 ஆண்களும், ஒரு பெண்ணும் என, மொத்தம் 396 பேர் தேர்வாகியுள்ளனர். இந்த போட்டியில் தேர்வாகிய ஓமலூரை சேர்ந்த சௌமியா என்ற இளம் பெண், கம்பம் ஏறும் தேர்வில் 8 நிமிடத்திற்கு 7.13 நிமிடத்தில் ஏறி முடித்து தேர்ச்சி பெற்றுள்ளார். இதுகுறித்து பேசிய சௌமியா, உடற்தகுதி தேர்வில் வெற்றி பெற்ற நான், எழுத்துத் தேர்விலும் வெற்றி பெற்று மின்வாரியத்தில் கேங்மேன் பதவியை பெறுவேன் என்று தெரிவித்தார்.