பள்ளிக் கல்வித்துறை சார்பில் அறிவியல் கண்காட்சி

விருதுநகரில் பள்ளிக் கல்வித்துறை சார்பில் மாவட்ட அளவிலான அறிவியல் கண்காட்சியில் மாணவர்கள் தங்கள் திறமையை வெளிப்படுத்தினர்.

பள்ளிக் கல்வித்துறை சார்பில் மாணவர்களின் அறிவியல் திறனை ஊக்குவிக்கும் வகையில் மாவட்ட அளவிலான புத்தாக்க அறிவியல் கண்காட்சி விருதுநகர் தனியார் பள்ளியில் நடைபெற்றது. மாவட்டம் முழுவதிலுமிருந்து 26 பள்ளிகளை சேர்ந்த 100க்கும் மேற்பட்ட மாணவ, மாணவிகள் கலந்து கொண்டனர். எந்திர விவசாயம், குளிர் மின்விசிறி, காற்று மாசுபடுதலை கட்டுப்படுத்துவது என பல்வேறு வகையில் மாணவர்களின் படைப்புகள் கண்காட்சிக்கு வைக்கப்பட்டிருந்தன. இதனை ஏராளமான மாணவ மானவிகள் கண்டுகளித்தனர்.சிறந்த படைப்புகள் பிப்ரவரி மாதம் டெல்லியில் நடைபெற உள்ள தேசிய அளவிலான கண்காட்சிக்கு அனுப்பி வைக்கப்பட உள்ளன.