எஸ்.பி.பி. குணமடைய சினிமா பிரபலங்கள் முதல் ரசிகர்கள் வரை கூட்டுபிரார்த்தனை!!

பிரபல திரைப்பட பின்னணி பாடகர் எஸ்.பி.பாலசுப்பிரமணியம் உடல்நலம் பெற வேண்டி திரையுலகினர் கூட்டுப் பிரார்த்தனையில் ஈடுபட்டனர். கடந்த 5ம் தேதி கொரோனா தொற்றால் பாதிக்கப்பட்ட பிரபல திரைப்பட பின்னணி பாடகர் எஸ்.பி.பாலசுப்பிரமணியம் சென்னையில் உள்ள தனியார் மருத்துவமனையில் சிகிச்சை பெற்று வருகிறார். கடந்த சில தினங்களாக அவரது உடல்நிலை மோசமடைந்துள்ள நிலையில், அவருக்கு எக்மோ கருவி மூலம் தீவிர சிகிச்சைப் பிரிவில் சிகிச்சை அளிக்கப்பட்டு வருவதாக மருத்துவமனை நிர்வாகம் தெரிவித்துள்ளது. இந்த நிலையில், பாடகர் எஸ்.பி.பாலசுப்பிரமணியம் உடல்நலம் பெற திரையுலகினர் வீட்டில் இருந்தபடியே கூட்டு பிரார்த்தனையில் ஈடுபட்டனர். இயக்குநர்கள் பாரதிராஜா, கே.எஸ்.ரவிக்குமார், தங்கர்பச்சான், எஸ்.ஏ.சந்திரசேகர், ஆர்.கே.செல்வமணி, மனோபாலா ஆகியார் பிரார்த்தனையில் ஈடுபட்டனர்.