தமிழில் சிறந்த நாவலுக்காக எழுத்தாளர் சோ.தர்மனுக்கு சாகித்ய அகாடமி விருது அறிவிக்கப்பட்டுள்ளது.
கோவில்பட்டி அருகே உள்ள உருளைக்குடியைச் சேர்ந்த பிரபல எழுத்தாளர் சோ.தர்மன் எழுதிய சூல் என்ற நாவலுக்காக இந்த விருது அறிவிக்கப்பட்டுள்ளது. கரிசல் மண் சார்ந்த வேளாண் மக்களின் வாழ்வியலைப் பதிவு செய்யும் சோ.தர்மராஜ் என்ற இயற்பெயர் கொண்ட சோ.தர்மன், தற்போது வரை கூகை, ஈரம், தூர்வை, சோகவனம் உள்ளிட்ட 7 நூல்களை எழுதியுள்ளார். விவசாயிகளின் வேதனைகளைப் பதிவு செய்தவர், எழுத்தாளர் தர்மன். ஏற்கெனவே, “கூகை” என்ற நாவலுக்காக ஒரு விருது உட்பட தமிழக அரசின் 2 விருதுகளைத் தர்மன் பெற்றிருக்கும் நிலையில், தற்போது சாகித்ய அகாடமி விருதுக்குத் தேர்வாகி உள்ளார்.