ஊரக உள்ளாட்சித் தேர்தலில், கடலூர், தூத்துக்குடி உள்ளிட்ட 5 மாவட்டங்களில் உள்ள 9 வாக்குச்சாவடிகளில் மறுவாக்குப்பதிவு நடைபெற்று வருகிறது.
கிராம ஊராட்சித் தலைவர் மற்றும் கிராம ஊராட்சி வார்டு உறுப்பினர்கள் தேர்தலின் போது, வாக்குச் சீட்டுகளை மாற்றி வழங்கிய காரணங்களால், 9 வாக்குச் சாவடிகளில் இன்று வாக்குபதிவு நடைபெறும் என அறிவிக்கப்பட்டது.
அதன்படி, கடலூர் மாவட்டத்தில் விலங்கல்பட்டு கிராம ஊராட்சியில் ஒரு வாக்குச்சாவடியில் மறுவாக்குபதிவு நடைபெறுகிறது. இதேபோல், தூத்துக்குடி மாவட்டத்தில் ஆழ்வார் திருநகர் ஊராட்சி ஒன்றியத்தில் 5 வாக்குச்சாவடிகளிலும், நாகை மாவட்டம் வேதாரண்யம் ஊராட்சி ஒன்றியத்தில் ஒரு வாக்குச்சாவடியிலும் இன்று மறுவாக்குபதிவு நடைபெற்று வருகிறது.
தேனி மாவட்டம் போடிநாயக்கனூர் மற்றும் மதுரை மாவட்டம் கொட்டாம்பட்டி ஊராட்சி ஒன்றியத்தில், தலா ஒரு வாக்குச்சாவடியில் மறுவாக்குபதிவு காலை 7 மணி முதல் நடைபெற்று வருகிறது.