உலக கோப்பை கிரிக்கெட் தொடரில் 4 சதங்களுடன் இந்திய வீரர் ரோஹித் சர்மா பல்வேறு சாதனைகளை நிகழ்த்தியுள்ளார். இந்த உலக கோப்பை தொடரில் இந்திய வீரர் ரோஹித் சர்மா 4 சதங்களை அடித்துள்ளார். மேலும் ஒட்டுமொத்த உலக கோப்பை ஆட்டத்தில் 5 சதங்களை அடித்து ஆஸ்திரேலிய வீரர் ரிக்கி பாண்டிங்கின் சாதனையை சமன் செய்துள்ளார். மேலும் மொத்தமாக 544 ரன்கள் எடுத்து இந்த உலக கோப்பை கிரிக்கெட் தொடரில் அதிக ரன்கள் எடுத்த வீரர் என்ற பெருமையை பெற்றுள்ளார்.
2015 உலக கோப்பையில் இலங்கை வீரர் குமார் சங்ககாரா 4 சதங்கள் அடித்ததே இதுவரை சாதனையாக இருந்தது. தற்போது 2019 உலக கோப்பை தொடரில் அந்த சாதனையை ரோஹித் சர்மா முறியடித்துள்ளார். உலக கோப்பை 15 ஆட்டங்களில் 5 சதங்கள் அடித்ததால் குறைந்த ஆட்டங்கள் ஆடி அதிக சதம் அடித்த வீரர் என்ற சாதனையையும் நிகழ்த்தியுள்ளார்.