ராமநாதபுரம் அருகே கார் மீது தனியார் ஆலையின் பேருந்து மோதியதில் 4 பேர் படுகாயமடைந்தனர். கமுதி அருகே கீழராமநதியில் தனியார் ஆலையிலிருந்து பணியாளர்களை ஏற்றிச் செல்லும் பேருந்து, கார் மீது பலமாக மோதியதில், காரில் பயணம் செய்த 4 பேருக்கு பலத்த காயம் ஏற்பட்டது. இந்த சம்பவத்தால் அப்பகுதியில் சிறிது நேரம் போக்குவரத்து பாதிப்பு ஏற்பட்டது.
சம்பவ இடத்திற்கு வந்த காவல்துறையினர், காயமடைந்தவர்களை மீட்டு கமுதி அரசு மருத்துவமனையில் அனுமதித்தனர். விபத்து குறித்து வழக்குப் பதிவு செய்து விசாரித்து வருகின்றனர்.