பி.வி.சிந்துவை பிரதமர்,விளையாட்டுத்துறை அமைச்சரை நேரில் சந்தித்து வாழ்த்து

உலக பேட்மிண்டன் சாம்பியன்ஷிப் போட்டியில் தங்கம் வென்ற பி.வி.சிந்து பிரதமர் மற்றும் விளையாட்டு துறை அமைச்சரை நேரில் சந்தித்து வாழ்த்து பெற்றார்.

5-வது உலக பேட்மிண்டன் சாம்பியன்ஷிப் போட்டி சுவிட்சர்லாந்தின் பாசெல் நகரில் நடைபெற்றது. இதில் பெண்கள் ஒற்றையர் பிரிவில் பி.வி. சிந்து தங்கம் வென்று சாதனை படைத்தார். முதல்முறையாக தங்கம் வென்று நாடு திரும்பிய அவர், பிரதமர் மோடியை சந்தித்து வாழ்த்து பெற்றார். சர்வதேச அளவில் தங்கம் வென்று இந்தியாவுக்கு பெருமை தேடித் தந்த சிந்துவுக்கு, பிரதமர் மோடி வாழ்த்து தெரிவித்தார். இந்தியாவின் பெருமை மிக்க பெண் சிந்து என்று பிரதமர் பாராட்டு தெரிவித்தார்.

விளையாட்டுத்துறை அமைச்சர் கிரண் ரிஜிஜூவையும் சிந்து சந்தித்து வாழ்த்து பெற்றார். மத்திய அரசு சார்பில் 10 லட்சம் ரூபாய் பரிசுத் தொகைக்கான காசோலையை சிந்துவிடம் கிரண் ரிஜிஜூ வழங்கினார்.