2019-2020 ஆம் கல்வி ஆண்டிற்கான பொதுமாறுதல் மற்றும் பதவி உயர்வுக்கான கலந்தாய்வு அட்டவணையை பள்ளிக் கல்வித்துறை வெளியிட்டுள்ளது.
இதுகுறித்து பள்ளிக்கல்வித்துறை இயக்குனர் வெளியிட்டுள்ள அறிவிப்பில், நகராட்சி அரசு மேல்நிலைப்பள்ளி தலைமை ஆசிரியர்களுக்கு மாறுதல் பணிக்கான கலந்தாய்வு வருகிற திங்கட்கிழமை காலையிலும், அவர்களின் பதவி உயர்வு பணிக்கான கலந்தாய்வு திங்கள்கிழமை பிற்பகலிலும் நடைபெற உள்ளதாக கூறப்பட்டுள்ளது. அதேபோல், அரசு மற்றும் நகராட்சி உயர்நிலைப் பள்ளி தலைமை ஆசிரியர்கள் மாறுதல் பணிக்கான கலந்தாய்வு 12ஆம் தேதி காலையிலும், அவர்களின் பதவி உயர்வுக்கான கலந்தாய்வு பிற்பகலிலும் நடைபெறும் என்றும் தெரிவிக்கப்பட்டுள்ளது. மேலும், நகராட்சி மற்றும் அரசு மேல்நிலைப்பள்ளி முதுகலை தொழிற்கல்வி ஆசிரியர்கள் மாறுதல் பணிக்கான கலந்தாய்வு 13ஆம் தேதியும்,அவர்களின் பதவி உயர்வுக்கான கலந்தாய்வு 14-ஆம் தேதியும் நடைபெறும் என்றும் கூறப்பட்டுள்ளது. உடற்கல்வி ஆசிரியர்கள், கலை ஆசிரியர்கள், தையல் ஆசிரியர்கள், இடைநிலை ஆசிரியர்கள் ஆகியோருக்கான மாறுதல் மற்றும் பதவி உயர்வுக்கான கலந்தாய்வு 15ஆம் தேதியும் பணி நியமன கலந்தாய்வு 14-ஆம் தேதியும் நடைபெற உள்ளதாக அந்த அறிவிப்பில்
குறிப்பிடப்பட்டுள்ளது.