புரோ கபடி லீக் தொடரில் தமிழ் தலைவாஸ் அணியை வீழ்த்திய பெங்கால் வாரியர்ஸ் அணி புள்ளிப் பட்டியலில் முதலிடம் பிடித்துள்ளது.
7-வது புரோ கபடி லீக் தொடர் பல்வேறு நகரங்களில் நடந்து வருகிறது. இதில் நொய்டாவில் நடந்த 128-வது லீக் ஆட்டத்தில் தமிழ் தலைவாஸ், பெங்கால் வாரியர்ஸ் அணிகள் மோதின. ஆட்டத்தின் தொடக்கத்தில் இருந்தே இரு அணி வீரர்களும் மாறி மாறி புள்ளிகளை பெற்றதில், முதல் பாதி 13 க்கு 13 என சமன் ஆனது. இதனையடுத்து தொடங்கிய 2 வது பாதியில், ஆதிக்கம் செலுத்திய பெங்கால் அணி சிறப்பான ஆட்டத்தை வெளிப்படுத்தியது. இறுதியில், 33 க்கு 29 என்ற புள்ளி கணக்கில் தமிழ் தலைவாஸ் அணியை வீழ்த்தி பெங்கால் வாரியர்ஸ் அணி வெற்றி பெற்றது. இந்த வெற்றி மூலம் பெங்கால் வாரியர்ஸ் அணி 83 புள்ளிகள் பெற்று புள்ளிப் பட்டியலில் முதலிடம் பிடித்தது.
ஏற்கனவே பிளே ஆப் சுற்று வாய்ப்பை இழந்து விட்ட தமிழ் தலைவாஸ் அணி, 4 வெற்றிகளை மட்டுமே பெற்று 37 புள்ளிகளுடன் கடைசி இடத்தில் உள்ளது.