புரோ கபடி லீக் தொடரின் இன்றைய போட்டியில், ஜெய்ப்பூர் அணியுடன் மோதும் தமிழ் தலைவாஸ் அணி 4-வது வெற்றியை பதிவு செய்யுமா என ரசிகர்கள் ஆவலுடன் எதிர்பார்த்துள்ளனர்.
12 அணிகள் பங்கேற்றுள்ள 7-வது புரோ கபடி லீக் தொடர் விறுவிறுப்பாக நடைபெற்று வருகிறது. இதில் சென்னை நேரு உள்விளையாட்டு அரங்கில் இன்று நடைபெறும் 51-வது லீக் ஆட்டத்தில் புனேரி பால்டன்-பெங்களூரு புல்ஸ் அணிகள் மோதுகின்றன. மற்றொரு லீக் ஆட்டத்தில் தமிழ் தலைவாஸ்-ஜெய்ப்பூர் பிங்க் பாந்தர்ஸ் அணிகள் பலப்பரீட்சை நடத்துகின்றன. தமிழ் தலைவாஸ் அணி இதுவரை 8 ஆட்டத்தில் ஆடி 3 வெற்றி, 3 தோல்வியுடன் புள்ளிகள் பட்டியலில் 7-வது இடத்தில் உள்ளது. ஜெய்ப்பூர் பிங்க் பாந்தர்ஸ் அணி 8 ஆட்டத்தில் ஆடி 6 வெற்றி, 2 தோல்வியுடன் முதலிடத்தில் உள்ளது. இந்த நிலையில் தமிழ் தலைவாஸ் அணி 4-வது வெற்றியை பெற்று புள்ளி பட்டியலில் முன்னேறுமா என ரசிகர்கள் ஆவலுடன் எதிர்பார்த்துள்ளனர்.