இம்சை அரசன் வடிவேலுவாக மாறிய அதிபர் ட்ரம்ப்

அமெரிக்க அதிபர் ட்ரம்ப் குத்துச்சண்டை வீரராக போட்டோஷாப் செய்யப்பட்ட தன் படத்தை ட்விட்டர் பக்கத்தில் வெளியிட்டு கிண்டலுக்கு உள்ளாகியுள்ளார்.

சில்வஸ்டர் ஸ்டாலோன் குத்துச்சண்டை வீரராக நடித்த ராக்கி படத்தில் இடம்பெற்ற அவரது புகைப்படத்தை போட்டோஷாப் செய்து அதில் ட்ரம்ப் முகத்தை பொருத்தியுள்ளனர். இதில் கைகளில் குத்துச்சண்டைக்கான கையுறைகளை மாட்டிக்கொண்டு நிற்பது போல வடிவமைக்கப்பட்டுள்ளது. இதனை அதிபர் ட்ரம்ப் ட்விட்டர் பக்கத்தில் வெளியிட்ட சில மணி நேரத்தில் அவரைப்பற்றி ஏராளமான மீம்ஸ்கள் பகிரப்பட்டன.

எதனால் அவர் அந்த போட்டோஷாப் புகைப்படத்தை பதிவிட்டார் என தெரியவில்லை. ஆனால் நம் இணையவாசிகள் இம்சை அரசன் வடிவேலுவோடு அவரை ஒப்பிட்டு கலாய்த்துள்ளனர்.