நடிகர் சித்தார்த் நடிக்கும் டக்கர் படத்தில் இயக்குநர் கௌதம் வாசுதேவ் மேனன் பாடல் ஒன்றை பாடியுள்ளார்.
தமிழ் சினிமாவில் முன்னணி இயக்குநர்களில் ஒருவராக திகழ்பவர் இயக்குநர் கௌதம் வாசுதேவ் மேனன். தமிழில் மின்னலே தொடங்கி கடைசியாக வெளிவந்த எனை நோக்கி பாயும் தோட்டா வரை வித்தியாசமான படங்கள் மூலம் தமிழ் ரசிகர்களை கவர்ந்த இயக்குநர் கௌதம் வாசுதேவ் மேனன் அவ்வப்போது சில படங்களிலும் முக்கிய வேடத்தில் நடித்து வந்தார். அடுத்ததாக இவர் முக்கிய கதாபாத்திரத்தில் நடித்துள்ள ‘ஓ..மை கடவுளே’ படம் பிப்ரவரி 14ம் தேதி திரைக்கு வர உள்ளது.
இந்நிலையில் நடிகர் சித்தார்த் நடிக்கும் டக்கர் படத்தில் பாடல் ஒன்றை பாடி அசத்தியுள்ளார். சித்ஸ்ரீராம் பாடிய இந்த பாடலில் சிறிய ராப் பகுதியை அவர் பாடியிருக்கிறார். ஏற்கனவே பப்பி, நீதானே என் பொன்வசந்தம், உப்புகருவாடு ஆகிய படங்களில் இயக்குநர் கௌதம் வாசுதேவ் மேனன் பாடியுள்ளார் என்பது குறிப்பிடத்தக்கது.