சேலத்தில் முதியவர்கள் கொலை செய்யப்பட்ட வழக்கில் தேடப்பட்டு வரும் சைக்கோ கொலையாளி, செவ்வாய்பேட்டை பகுதியில் சுற்றி திரிவதாக கிடைத்த தகவலின் அடிப்படையில் காவல்துறையினர் அந்தப்பகுதியில் தேடுதல் வேட்டையில் ஈடுபட்டுள்ளனர்.
சேலம் பழைய பேருந்து நிலையம், காசக்காரனூர் மற்றும் மாவட்ட ஆட்சியர் அலுவலகம் அருகே சாலையோரம் உறங்கிக் கொண்டிருந்தவர்கள் மீது மர்மநபர் கல்லைபோட்டு கொலை செய்து விட்டு அவர்களிடம் இருந்த பணத்தை திருடிச் சென்றுள்ளார்.
இந்த சம்பவங்கள் அனைத்தும் சிசிடிவியில் பதிவாகியுள்ளன. இதன் அடிப்படையில் சைக்கோ கொலைக்காரனை பிடிக்க சேலம் மாநகரில் உள்ள அனைத்து கடைகள், வணிக வளாகங்கள், மதுபான கடைகளில் கொலையாளியின் புகைப்படம் வழங்கப்பட்டுள்ளது. இதனிடையே, சைக்கோ கொலையாளி செவ்வாய்பேட்டை பகுதியில் சுற்றித்திரிந்தது உறுதி செய்யப்பட்டுள்ளதால் அங்கு போலீசார் தேடுதல் வேட்டையில் ஈடுபட்டுள்ளனர்.