அரசியல் கட்சித் தலைவர்களுடன் பிரதமர் மோடி இன்று ஆலோசனை

கொரோனா தடுப்பு நடவடிக்கைகள் குறித்து, அரசியல் கட்சித் தலைவர்களுடன் பிரதமர் மோடி காணொலிக் காட்சி மூலம் இன்று ஆலோசனை நடத்துகிறார்.
நாடு முழுவதும் மேற்கொள்ளப்பட்டுள்ள கொரோனா தடுப்பு நடவடிக்கைகள் குறித்தும், எடுக்கப்பட வேண்டிய நடவடிக்கைகள் குறித்தும் பிரதமர் மோடி பல்வேறு துறைகளை சார்ந்தவர்களிடம் தினமும் காணொலிக் காட்சி மூலம் ஆலோசனை நடத்தி வருகிறார். இந்நிலையில், இன்று காலை 11 மணிக்கு கொரோனா தடுப்பு நடவடிக்கைகள் குறித்து, அரசியல் கட்சித் தலைவர்களுடன் பிரதமர் மோடி காணொலிக் காட்சி மூலம் ஆலோசனை நடத்துகிறார். அதன்படி, நாடாளுமன்றத்தில் 5 உறுப்பினர்கள் கொண்ட கட்சித் தலைவர்களுடன் மோடி ஆலோசனை நடத்துகிறார்.