பொங்கல் பண்டிகை: பிரதமர் மோடி தமிழில் வாழ்த்து

பொங்கல் பண்டிகையையொட்டி தமிழக மக்களுக்கு பிரதமர் மோடி தனது டிவிட்டர் பக்கத்தில் தமிழில் வாழ்த்துக்களை பதிவு செய்துள்ளார்.

நாடு முழுவதும் கொண்டாடப்படும் பல்வேறு பண்டிகைகளையொட்டி பிரதமர் மோடி வாழ்த்துக்களை தெரிவிப்பதை தனது வாடிக்கையாக கொண்டுள்ளார். அந்தந்த மாநில மக்களின் பிரத்யேக பண்டிகையையும் நினைவில் கொண்டு அவர் வாழ்த்துக்களை தெரிவித்து வருகிறார்.

இந்நிலையில், தமிழர் திருநாளாம் பொங்கலை முன்னிட்டு, பிரதமர் மோடி தனது டிவிட்டர் பக்கத்தில் தமிழக மக்களுக்கு தமிழில் வாழ்த்துக்களை தெரிவித்துக் கொண்டுள்ளார். பொங்கல் திருநாள் நமது சமூகத்தில் மகிழ்ச்சி உணர்வையும், வளத்தையும் மேலும் கொண்டுவர தான் பிரார்த்திப்பதாக அவர் கூறியுள்ளார்.

தேசத்திற்கு உணவளிக்க கடுமையாக உழைக்கின்ற நமது விவசாயிகளுக்கு நாம் வணக்கம் செலுத்துகிறோம் என்றும் அவர் குறிப்பிட்டுள்ளார்.