ரசிகர்களின் பெரும் எதிர்ப்பார்ப்புகளுக்கு மத்தியில் பேட்ட மற்றும் விஸ்வாசம் திரைப்படங்கள் வெளியாகியுள்ளன. கார்த்திக் சுப்புராஜ் இயக்கத்தில் ரஜினிகாந்த், விஜய் சேதுபதி, சிம்ரன், திரிஷா உள்ளிட்ட பல நட்சத்திர பட்டாளங்கள் கொண்ட பேட்ட திரைப்படம் உலகம் முழுவதும் வெளியாகி உள்ளது. சென்னை மற்றும் புறநகரில் உள்ள பல திரையரங்குகளில் அதிகாலை நான்கு மணிக்கு சிறப்பு காட்சிகள் திரையிடப்பட்டன. இந்தநிலையில் பேட்ட திரைப்படம் வெளியானதை பேனர், கட்வுட் வைத்தும் பட்டாசு வெடித்தும் ரசிகர்கள் கொண்டாடி வருகின்றனர்.
இதேபோல் உலகம் முழுவதும் நடிகர் அஜித்குமாரின் விஸ்வாசம் திரைப்படமும் வெளியாகி உள்ளது. சுமார் ஒன்றரை ஆண்டுக்கு பிறகு அஜித்தின் படம் திரைக்கு வந்திருப்பதால் அவரது ரசிகர்கள் உற்சாகமடைந்துள்ளனர். இதனை கொண்டாடும் விதமாக பிரம்மாண்ட பேனர்கள், கட் அவுட்கள் வைத்தும் பட்டாசு வெடித்தும் ரசிகர்கள் கொண்டாட்டத்தில் ஈடுபட்டனர். விஸ்வாசம் வெளியான இன்றைய தினம் தான் தங்களுக்கு பொங்கல் பண்டிகை என்றும் அஜித் ரசிகர்கள் தெரிவித்திருக்கிறார்கள்.