தமிழகத்தில் 27 மாவட்ட ஊரக உள்ளாட்சி தேர்தலுக்கான முதல்கட்ட வாக்குப்பதிவு இன்று தொடங்கி நடைபெற்று வருகிறது. இதனைத் தொடர்ந்து 2-வது கட்ட வாக்குப்பதிவு வருகிற 30 ஆம் தேதி நடத்தப்படுகிறது.
இந்நிலையில், மதுரை விமான நிலையத்தில் செய்தியாளர்களை சந்தித்த துணை முதலமைச்சர் ஓ.பன்னீர்செல்வம் கூறுகையில், ஊரக உள்ளாட்சி தேர்தலில் அதிமுக அரசுக்கு ஆதரவு தெரிவித்து மக்கள் வாக்களித்து வருவதாக தெரிவித்தார். மேலும், பொது நிர்வாகத்தில் தமிழகம் முதலிடம் வகிப்பது, தமிழகத்தில் அதிமுக அரசு சிறப்பாக செயல்பட்டு வருவதை உறுதிப்படுத்தியுள்ளதாகவும் அவர் கூறினார்.