மருத்துவ படிப்பிற்கான ஆன்லைன் விண்ணப்பங்களை இன்று முதல் பதிவிறக்கம் செய்யலாம் என அறிவிக்கப்பட்டுள்ளது.
நீட் தேர்வு முடிவுகள் கடந்த புதன்கிழமை அன்று வெளியானது. இந்த தேர்வை தமிழகத்தில் 1 லட்சத்து 23 ஆயிரத்து 78 பேர் தேர்வெழுதிய நிலையில், 59 ஆயிரத்து 785 பேர் தேர்வில் தேர்ச்சி பெற்றனர். இது கடந்தாண்டைக் காட்டிலும் 9 சதவீதம் அதிகமாகும்.
இந்த நிலையில், மருத்துவ படிப்பிற்கான விண்ணப்பங்களை இன்று முதல் பதிவிறக்கம் செய்யலாம் என சுகாதாரத்துறை அமைச்சர் விஜயபாஸ்கர் தெரிவித்துள்ளார். எம்.பி.பி.எஸ். , பி.டி.எஸ் படிப்புகளுக்கு விண்ணப்பங்களை பதிவிறக்கம் செய்து, பின்னர் பூர்த்தி செய்து அனுப்ப அறிவுறுத்தப்பட்டுள்ளது.