நாட்டில் வெங்காய தட்டுப்பாடு உள்ள நிலையில், பீகாரில், கிலோ 35 ரூபாய்க்கு விற்பனை செய்யப்பட்டு வருகிறது.
வெங்காயம் விலை சதமடித்துள்ள நிலையில், முக்கிய விவாத பொருளாக மாறியுள்ளது. இந்தநிலையில், பீகாரில் கூட்டுறவு சந்தைப்படுத்தல் சங்கத்தினர் சார்பாக, வெங்காயம் கிலோ 35 ரூபாய்க்கு, விற்பனை செய்யப்பட்டு வருகிறது. மிக குறைந்த விலையில் வெங்காயம் கிடைப்பதால், டோக்கன் போட்டு, பெண்கள், ஆண்கள் என நீண்ட வரிசையில் நின்று வெங்காயத்தை வாங்கிச் செல்கின்றனர். சில இடங்களில் கூட்டம், கட்டுக்கடங்காமல் சென்றதால், கல்வீச்சு சம்பங்கள் நடந்துள்ளன. இதனையடுத்து, கூட்டுறவு அங்காடி ஊழியர்கள், தலைகவசம் அணிந்தப்படி, வெங்காய விற்பனை செய்து வருகின்றனர்.