கோத்தகிரி அருகே சுற்றித்திரியும் கரடி ஒன்று, அப்பகுதிவாசி ஒருவரை கடித்துக் குதறியதால் பரபரப்பு ஏற்பட்டது.
நீலகிரி மாவட்டம், கீழ் கோத்தகிரி அருகே சோலூர் மட்டம் கிராம பகுதியில் கரடி ஒன்று சுற்றித்திரிந்து வருகிறது. இந்நிலையில் அப்பகுதியைச் சேர்ந்த தொழிலாளர் பத்திரன், வீட்டில் இருந்து வெளியே புறப்பட்டபோது, புதரில் மறைந்திருந்த கரடி திடீரென அவரைத் தாக்கியது. அக்கம்பக்கத்தினர் கரடியிடம் இருந்து அவரை மீட்டு மருத்துவமனையில் அனுமதித்தனர். கடந்த ஒரு வாரகாலமாக அச்சுறுத்தி வரும் கரடியை கூண்டு வைத்து பிடிக்க வேண்டும் என கிராம மக்கள் கோரிக்கை விடுத்துள்ளனர்.