சுகாதாரம் குறித்த விழிப்புணர்வை ஏற்படுத்துமாறு பள்ளிக் கல்வித்துறை அறிவுறுத்தல்

பள்ளி மாணவ-மாணவிகளுக்கு சுகாதாரம் குறித்த விழிப்புணர்வை ஏற்படுத்துமாறு, கல்வித்துறை அதிகாரிகளுக்கு பள்ளிக் கல்வித்துறை அறிவுறுத்தியுள்ளது.

இது தொடர்பாக, முதன்மைக் கல்வி அலுவலர்கள், மாவட்டக் கல்வி அலுவலர்கள் மற்றும் வட்டாரக் கல்வி அலுவலர்களுக்கு பள்ளிக் கல்வித்துறை சுற்றறிக்கை அனுப்பியுள்ளது. மாணவ-மாணவிகள் தங்கள் கைகளை சுத்தமாக வைத்துக் கொள்வது, தும்மல் மற்றும் இருமல் ஏற்படும்போது கைக்குட்டையை பயன்படுத்த வேண்டும் போன்ற விழிப்புணர்வை ஏற்படுத்துமாறு அறிவுறுத்தப்பட்டுள்ளது. காய்ச்சல் ஏற்பட்டால், மாணவ-மாணவிகள் பள்ளிக்கு வருவதை தவிர்க்க வேண்டும் என்றும், மக்கள் அதிகம் கூடும் இடங்களுக்கு செல்ல வேண்டாம் என்றும் அறிவுறுத்தப்பட்டுள்ளது. இந்த முன்னெச்சரிக்கை நடவடிக்கைகள் தற்போது பரவி வரும் கொரோனாவுக்கு மட்டுமல்லாமல், தொற்று நோய்கள் ஏற்படாமல் தற்காத்துக்கொள்ள உதவும் என தெரிவிக்கப்பட்டுள்ளது.