டெல்லியில் குடியரசுத் தலைவர் மாளிகையில் நார்வே பிரதமர் எர்னா சோல்பெர்க்கிற்கு ராணுவ அணிவகுப்பு மரியாதை அளிக்கப்பட்டது.
நார்வே பிரதமர் எர்னா சோல்பெர்க் 3 நாள் சுற்றுப் பயணமாக இந்தியா வந்துள்ளார். டெல்லியில் குடியரசு தலைவர் மாளிகையில் அவருக்கு சிவப்பு கம்பள வரவேற்புடன் ராணுவ அணிவகுப்பு மரியாதை அளிக்கப்பட்டது. பின்னர் நார்வே பிரதமரை பிரதமர் மோடி நேரில் வரவேற்றார். இருநாட்டு நட்புறவு குறித்து இருதலைவர்களும் பேச்சு வார்த்தை நடத்த உள்ளார். இந்த சுற்றுப் பயணத்தில் இரு நாடுகளின் வர்த்தகம் மற்றும் பாதுகாப்பு தொடர்பாக பல்வேறு ஒப்பந்தங்கள் கையெழுத்தாக உள்ளதாக தகவல்கள் வெளியாகி உள்ளது.