மாநிலங்களவைத் தேர்தலுக்காக அதிமுக மற்றும் திமுகவைச் சேர்ந்த 7 பேரின் வேட்புமனுக்கள் ஏற்கப்பட்டுள்ளது
தமிழகத்தில் காலியாகவுள்ள 6 மாநிலங்களவை இடங்களுக்கான வேட்புமனு தாக்கல் நேற்றுடன் நிறைவடைந்தது. இந்த தேர்தலில் அதிமுக மற்றும் திமுக சார்பில் 7 பேர் மற்றும் சுயேட்சைகள் 3 பேர் என 10 பேர் வேட்புமனு தாக்கல் செய்திருந்தனர். இந்நிலையில் இன்று நடைபெற்ற வேட்பு மனுக்கள் மீதான பரிசீலனையில்,மதிமுக வேட்பாளர் வைகோ உட்பட 7 பேரின் வேட்பு மனுக்கள் ஏற்கப்பட்டுள்ளன. வைகோ வேட்புமனு ஏற்கப்பட்டுள்ளதால் திமுகவின் சார்பில் 4 பேர் போட்டியிடும் சூழல் உருவாகியுள்ளது. இந்நிலையில் திமுகவின் சார்பில் 3 வது நபராக வேட்புமனு தாக்கல் செய்த இளங்கோ 11 ஆம் தேதிக்குள் வேட்புமனுவை திரும்ப பெறும் பட்சத்தில் போட்டியின்றி 6 பேர் மாநிலங்களவைக்கு தேர்ந்தெடுக்கப்படுவர். ஒருவேளை 7 பேரும் போட்டியில் நீடித்தால் வரும் 18ஆம் தேதி தேர்தல் நடைபெறும்.