வருவாய்த்துறை அலுவலர்களின் பயன்பாட்டிற்காக புதிய வாகனங்கள் – அமைச்சர் சி.வி.சண்முகம் தொடங்கி வைத்தார்

கள்ளக்குறிச்சி மாவட்டத்தில், வருவாய்த் துறை அலுவலர்களின் பயன்பாட்டிற்கான புதிய வாகனங்களை, சட்டத்துறை அமைச்சர் சி.வி. சண்முகம் கொடியசைத்து துவக்கி வைத்தார்.

கள்ளக்குறிச்சி மாவட்டம், 2 வருவாய் கோட்டங்கள் மற்றும் 6 வருவாய் வட்டங்களையும் உள்ளடக்கியுள்ளது. இந்நிலையில், 1 கோடியே 5 லட்ச ரூபாய் மதிப்பீட்டில், வருவாய் துறை அலுவலர்களின் பயன்பாட்டிற்காக 8 புதிய வாகனங்களும், மருத்துவ கல்லூரி பயன்பாட்டிற்காக 2 ஆம்புலன்ஸ் வாகனங்களும் வாங்கப்பட்டுள்ளது.

இந்த வாகனங்களின் பயன்பாட்டினை சட்டத்துறை அமைச்சர் சி.வி.சண்முகம் கொடியசைத்து தொடங்கி வைத்தார். இந்த நிகழ்ச்சியில் உளுந்தூர்பேட்டை சட்டமன்ற உறுப்பினர் குமரகுரு, கள்ளக்குறிச்சி சட்டமன்ற உறுப்பினர் பிரபு, மாவட்ட ஆட்சியர் கிரான் குரலா உள்ளிட்டோர் கலந்து கொண்டனர்.