இயக்குனர் அட்லி இயக்கத்தில் நடிகர் விஜய் நடித்துள்ள படம் பிகில். கால்பந்து விளையாட்டை மையமாக வைத்து உருவாகியுள்ள இந்த படத்தில் விஜய்க்கு ஜோடியாக நயன்தாரா நடித்துள்ளார். ஏஆர் ரஹ்மான் இசையமைக்கும் இப்படத்தை ஏஜிஎஸ் நிறுவனம் தயாரிக்கிறது.
கடந்த மாதம் பிகில் திரைப்படத்தின் சிங்கப் பெண்ணே பாடல் வெளியாகி ரசிகர்களிடம் ஏகோபித்த வரவேற்பை பெற்றது. தொடர்ந்து படத்தின் பல அப்டேட்டுகளை தயாரிப்பாளர் அர்ச்சனா கல்பாத்தி அவ்வப்போது வெளியிட்டு ரசிகர்களை மகிழ்ச்சிக்குள்ளாக்குவார்.அடுத்ததாக படத்தின் நடிகர் விஜய் பாடியுள்ள “வெறித்தனம்” பாடல் எப்போது வெளியாகும் என ட்விட்டரில் ரசிகர்கள் பலரும் அர்ச்சனா கல்பாத்தி டேக் செய்து கேள்வி கேட்டு வருகின்றனர்.
இந்நிலையில் செப்டம்பர் இரண்டாம் தேதி விநாயகர் சதுர்த்தி அன்று பிகில் திரைப்படத்தின் முக்கிய அப்டேட் வெளியாக வாய்ப்பு இருப்பதாக தகவல் வெளியாகியுள்ளது. அது வெறித்தனம் பாடல் அல்லது படத்தின் டீசர் ஆக இருக்கும் என எதிர்பார்க்கப்படுகிறது. மேலும் அர்ச்சனா கல்பாத்தி தனது ட்விட்டர் பக்கத்தில் இருந்து ட்வீட் ஒன்றை நீக்கியதாக சமூக வலைத்தளங்களில் தகவல் பரவி வருகிறது. ஆனால் செப்டம்பர் மாதம் முழுவதும் பிகில் அப்டேட்டுகள் தொடர்ந்து இருக்கும் என அர்ச்சனா கல்பாத்தி அறிவித்துள்ளார். இதனால் ரசிகர்கள் மிகுந்த மகிழ்ச்சி அடைந்துள்ளனர்.
பிகில் திரைப்படம் தீபாவளிக்கு வெளியாகும் என்ற அறிவிப்புடன் சில தினங்களுக்கு முன் போஸ்டர் வெளியானது என்பது குறிப்பிடத்தக்கது.