உலகளவில் அதிக பயனாளர்களால் பயன்படுத்தப்படும் பிரபல சமூக வலைத்தளமான பேஸ்புக் அடுத்த அப்டேட் குறித்த அறிவிப்பை வெளியிட்டுள்ளது.
தற்போது இந்த அப்டேட்டானது தற்போது சோதனை முயற்சியில் உள்ளது. அதன்படி பேஸ்புக்கில் இருந்து இனி புகைப்படம் மற்றும் வீடியோக்களை மற்ற செயலிகளுக்கு பகிரலாம். இதில் முதல் கட்டமாக பேஸ்புக்கில் இருந்து கூகுள் போட்டோஸ்க்கு செயலிக்கு பகிர்ந்து கொள்ள வழிவகை செய்யப்பட்டுள்ளது. இந்த வசதி தற்போது அயர்லாந்தில் உள்ள பேஸ்புக் பயனாளர்களுக்கு வழங்கப்பட்டு அதன்பின் 2020 முதல் உலகம் முழுவதும் விரிவுப்படுத்தப்படவுள்ளது.
ஏற்கனவே சில மாதங்களுக்கு முன்னர் வாட்ஸ்அப்பில் பதிவிடும் புகைப்படம் மற்றும் வீடியோக்களை பேஸ்புக்கில் ஸ்டோரியாக பகிரும் வசதியை அந்நிறுவனம் ஏற்படுத்தி கொடுத்தது. இது பயனாளர்களிடையே பெரும் வரவேற்பை பெற்றது. இதனை தொடர்ந்து இத்தகைய வசதியை பேஸ்புக் நிறுவனமும் கொண்டு வரவுள்ளது குறிப்பிடத்தக்கது.