கொடைக்கானல் மலைப்பகுதிக்கு புதிய 108 நவீன மாற்று ஆம்புலன்ஸ் வழங்கிய தமிழக அரசுக்கு மலைவாழ் மக்கள் நன்றி தெரிவித்துள்ளனர்.
திண்டுக்கல் மாவட்டம் கொடைக்கானல் மேல்மலை மற்றும் கீழ் மலை பகுதிகளுக்கு, அவசர காலத்தில் பயன்பெரும் வகையில் நான்கு 108 ஆம்புலன்ஸ் வாகனங்கள் உள்ளது. இதில் மூன்று சிறிய வாகனமும், ஒரு பெரிய வாகனமும் உள்ள நிலையில், கடந்த சில மாதங்களாக, 108 ஆம்புலன்ஸ் அடிக்கடி பழுதாகி உரிய நேரத்தில் மருத்துவமனைக்கு செல்லமுடியாமல் நோயாளிகள் அவதிப்பட்டு வந்தனர். இந்நிலையில், மாற்று 108 ஆம்புலன்ஸ் அமைத்துத் தர பொதுமக்கள் கோரிக்கை வைத்திருந்தனர். அதனைத் தொடர்ந்து, கொடைக்கானல் அரசு மருத்துவமனைக்கு அனைத்து வசதிகளுடன் புதிய 108 ஆம்புலன்ஸ் கொண்டுவரப்பட்டது. இதனால் பாதிக்கப்பட்டவர்களை உரிய நேரத்தில் மருத்துவமனைக்கு கொண்டு சென்று சிகிச்சை அளிக்க பயனுள்ளதாக இருக்கும் எனவும், பொதுமக்களின் கோரிக்கையை ஏற்று, புதிய 108 ஆம்புலன்ஸ் வாகனம் வழங்கிய தமிழக அரசுக்கு மலைவாழ் மக்கள் நன்றி தெரிவித்துள்ளனர்.