நடிகை நயன்தாராவின் தீவிர ரசிகர் ஒருவர் சிங்கப்பூர் கோவிலில் அர்ச்சனை செய்த சம்பவம் இணையத்தில் வைரலாகி வருகிறது.
தமிழ் சினிமாவின் லேடி சூப்பர் ஸ்டாராக திகழும் நடிகை நயன்தாரா கடந்த நவம்பர் 18ம் தேதி தனது 35வது பிறந்தநாளை கொண்டாடினார். அமெரிக்காவில் உள்ள நியூயார்க் சிட்டியில் நயன்தாரா தனது காதலரும், இயக்குநருமான விக்னேஷ் சிவனுடன் இணைந்து பிறந்தநாளை கொண்டாடினார். மேலும் அவருக்கு பல்வேறு பிரபலங்களும், ரசிகர்களும் சமூக வலைத்தளங்களில் தங்கள் வாழ்த்துகளை தெரிவித்தனர்.
இந்நிலையில் சிங்கப்பூரை சேர்ந்த ரசிகர் ஒருவர் அங்குள்ள ஸ்ரீ மஹா மாரியம்மன் கோவிலில் அவரது பெயரில் அர்ச்சனை செய்த புகைப்படம் சமூக வலைத்தளங்களில் வைரலாகி வருகிறது. அந்த புகைப்படத்தில் நயன்தாரா குரியன் என்ற பெயரும், திருவோணம் நட்சத்திரம் எனவும் குறிப்பிடப்பட்டுள்ளது.