மகாராஷ்டிர மாநிலத்தில் நக்சலைட்டுகள் நடத்திய தாக்குதலில் அதிரடிப் படையினர் உட்பட 16 பேர் உயிரிழந்தனர்.
மகாராஷ்டிராவில், கட்சிரோலி என்ற பகுதியில், 60 அதிரடிப்படை வீரர்களுடன் ஒரு வாகனம் சென்று கொண்டிருந்தது. அப்போது, நக்சலைட்டுகள் அந்த வாகனத்தின் மீது வெடிக்குண்டு வீசி தாக்குதல் நடத்தினர். இதில் அதிரடிப்படையினர் 15 பேரும் ஓட்டுநரும் உடல் சிதறி உயிரிழந்தனர். மேலும் பலர் பலத்த காயமடைந்து மருத்துவமனையில் அனுமதிக்கப்பட்டுள்ளனர்.
இதையடுத்து தாக்குதல் நடத்தப்பட்ட பகுதிக்கு கூடுதல் படையினர் விரைந்துள்ளனர், பாதுகாப்பும் பலப்படுத்தப்பட்டுள்ளது. இதனிடையே தாக்குதல் நடத்திய நக்சலைட்டுகளை தேடும் பணியும் தீவிரமடைந்துள்ளது.