மகனை நரபலி கொடுத்த தாய்!

கேரள மாநிலம் பாலக்காட்டில் 6 வயது சிறுவனை நரபலி கொடுத்த தாய் கைது செய்யப்பட்டுள்ளார்.

பாலக்காட்டை அடுத்த குளத்தூரை சேர்ந்தவர் சஹிதா. 4 மாத கர்ப்பிணியான இவர் அங்குள்ள மதராசாவில் ஆசிரியராக பணிபுரிந்து வருகிறார். இதில் 3வது மகனான ஆமிலின் ஒன்றாம் வகுப்பு படித்து வந்தார். சஹிதாவுக்கு தோஷம் இருப்பதாகவும், 3வது மகனை நரபலி கொடுத்தால் தோஷம் நீங்கும் என்றும் கனவு வந்துள்ளது. இதையடுத்து அதிகாலையில் 6 வயதே ஆன 3வது மகன் ஆமிலினை குளியலறைக்குள் தூக்கிச்சென்று, கழுத்தை அறுத்து துடிதுடிக்க கொன்றார். சம்பவம் குறித்து காவல்துறைக்கும் அவரே தகவல் கொடுத்தார். சஹிதாவை கைது செய்த காவல்துறையினர், பின்னணியில் வேறு யாருக்காவது தொடர்பு உள்ளதா என விசாரணையில் ஈடுபட்டுள்ளனர்.