புதுக்கோட்டை அருகே 600-க்கும் மேற்பட்ட விசைப்படகுகள் கரையோரம் நிறுத்தம்

புதுக்கோட்டை அருகே மீன்பிடி தடைக்காலத்தை ஒட்டி, சுமார் 600-க்கும் மேற்பட்ட விசைப்படகுகள் கரைகளில் நிறுத்தப்பட்டுள்ளன.

கடலில் மீன் இனங்கள் அழிவதை தடுப்பதற்கும், மீன் இனம் பெருகுவதற்கும் மீன்பிடித் தடைக்காலம் நாளை முதல் 61 நாட்களுக்கு அனுசரிக்கப்படுகிறது. இதையொட்டி, புதுக்கோட்டை மாவட்டம் கோட்டைப்பட்டினம், ஜெகதாப்பட்டினம் உள்ளிட்ட கடற்கரை கிராமங்களில், சுமார் 600-க்கும் மேற்பட்ட விசை படகுகள் துறைமுகங்களில் நிறுத்தப்பட்டன.

போயா, கயிறு, வலை போன்ற மீன்பிடிச் சாதனங்களை பத்திரப்படுத்தி மீனவர்கள், வெயிலில் காயவைத்து வருகின்றனர். இதையடுத்து வங்கிகள் வட்டியில்லா கடன் தர முன்வர வேண்டும் என மீனவர்கள் கோரிக்கை விடுத்தனர்.