கேரளாவில் ஜூன் 6 ம் தேதி பருவமழை தொடங்கும்-இந்திய வானிலை ஆய்வு மையம்

அந்தமானில் தென்மேற்கு பருவமழை தொடங்கியுள்ளதாக இந்திய வானிலை ஆய்வு மையம் தெரிவித்துள்ளது

இந்த ஆண்டு தென்மேற்கு பருவமழை தாமதமாக துவங்கும் என அறிவிக்கப்பட்டிருந்தது. அதே நேரம் அந்தமான் தீவுப்பகுதிகளில் தென்மெற்கு பருவமழை 19 ம் தேதி தொடங்கும் என எதிர்பார்க்கப்பட்டது. ஆனால் எதிர்பார்ப்புக்கு மாறாக இரண்டு நாட்களுக்கு முன்னதாகவே அந்தமான் தெற்கு பகுதி, அந்தமான் தீவுகளில் பருவமழை தொடங்கியுள்ளது. தென் மேற்கு பருவமழை ஜூன் 6 ம் தேதி கேரளாவில் தொடங்கும் என எதிர்பார்க்கப்படுகிறது. கேரளாவில் தொடங்கிய பிறகு படிப்படியாக தமிழகம், கர்நாடகம்,ஆந்திரா என நாட்டின் மற்ற பகுதிகளில் பருவமழை பெய்யத் தொடங்கும். இந்த ஆண்டு பருவ மழையானது சராசரி அளவில் இருக்கும் என வானிலை மையம் கணித்துள்ளது.