டிசைன் டிசைன்னா புத்தகம் பாத்துருப்போம். படிச்சிருப்போம். இங்கேயும் ஒரு புத்தக விற்பனை பரபரப்பா போய்கிட்டு இருக்குது. அதுதான் நம்ம பிரதமர் மோடியோட பொன்மொழிகள் புத்தகம். அதுல என்ன ஸ்பெஷல்ன்னா அதோட “டிசைன்” தான். டெல்லியில் தற்சமயம் புத்தக கண்காட்சி நடைபெற்று வருகிறது. அந்த கண்காட்சியை பார்க்க வர்ற மக்கள் அந்த புத்தகத்தை ஆச்சர்யமா பார்க்காம போகமாட்டாங்க.
கிட்டத்தட்ட மோடியின் உயரம், எடை, வயது போன்றவற்றை வைத்தே இந்த புத்தகம் உருவாக்கப்பட்டுள்ளது. மோடியின் உயரமான 1.7 மீட்டர் உயரத்தில் … அவரது எடையான 77 கிலோவை வைத்து 77 கிராம் எடையில்…. அவரது 66 வயதை குறிப்பிடும் வகையில் 66 பக்கங்கள் என மோடி புத்தகம் ஆச்சர்யப்பட வைக்கிறது.அதோட வெளிப்புற டிசைன் கட் அவுட் வடிவில் உருவாக்கப்பட்டுள்ளது.
குஜராத்தை சேர்ந்த அபூர்வா ஷா உருவாக்கிய இந்த புத்தகத்தில் மோடி இதுவரை ஆற்றிய உரைகளில் முக்கியமான கருத்துக்களை தொகுத்துள்ளார். ஏற்கனவே அஹமதாபாத் புத்தக கண்காட்சியில் விற்பனையான இந்த புத்தகம் இப்ப டெல்லியிலும் விற்பனையாகி உள்ளது. முதலில் கட் அவுட் என பார்க்கும் மக்கள், புத்தகம் என்று தெரிந்தவுடன் ஆர்வமாக வாங்கி செல்கின்றனர்.
மக்களிடம் வரவேற்பை பெற்ற அந்த புத்தகத்தை எப்படியாவது மோடியிடம் கொடுக்க வேண்டும் என்ற அவரோட ஆசை மட்டும் இப்பவரைக்கும் நிறைவேறவில்லை. இருந்தாலும் மோடி கூறிய நல்ல கருத்துக்களை மக்களிடம் சேர்ப்பதே என் விருப்பம் என அபூர்வா ஷா கூறியுள்ளார்.
கவலைப்படாதீங்க…. உங்க புத்தகத்தை பத்தி ஊர் பேசுனா….. மோடியும் உங்களை பத்தி பேசுவாரு…!