மகாத்மா காந்தியின் கொள்கைகளை பின்பற்றியதாலேயே பிரதமர் மோடி தேர்தலில் வெற்றி பெற்றுள்ளதாக கேரள காங்கிரஸ் தலைவர் புகழ்ந்துள்ளார்.
கேரளாவின் காங்கிரஸ் தலைவர்களில் ஒருவரும் முன்னாள் எம்.எல்.ஏ.வுமான அப்துல்குட்டி, தனது முகநூல் பக்கத்தில் பிரதமர் மோடியை பாராட்டியுள்ளார். மகாத்மா காந்தியை பின்பற்றி, அவருடைய வழியில் ஆட்சி நடத்தி வருவதால் தான் மோடியால் மக்களவை தேர்தலில் வெற்றி பெற முடிந்தது என்று குறிப்பிட்டிருந்தார். மோடியை விமர்சிக்கும் அதேவேளையில், அவர் செய்த நன்மைகளை ஒருவர் மறந்துவிட முடியாது என்றும் அவர் கூறியுள்ளார். முன்னதாக மார்க்சிஸ்ட் கம்யூனிஸ்ட் கட்சியில் இருந்த அப்துல் குட்டி, மோடியை புகழ்ந்ததற்காக கட்சியில் இருந்து இடைநீக்கம் செய்யப்பட்டார். பின்னர் அவர் காங்கிரஸில் இணைந்தார் என்பது குறிப்பிடத்தக்கது