திருப்பூரில் நடைபெறும் பாஜக பொதுக்கூட்டத்தில் கலந்து கொள்வதற்காக பிரதமர் நரேந்திர மோடி நாளை தமிழகம் வருகிறார்.
திருப்பூரில் நடைபெறும் அரசு விழாவில், சென்னை வண்ணாரப்பேட்டை – டி.எம்.எஸ். இடையேயான மெட்ரோ ரயில் சேவையைக் காணொளி காட்சி மூலம் பிரதமர் நரேந்திர மோடி துவக்கி வைக்கிறார். இந்த நிகழ்ச்சியில் தமிழக ஆளுநர் பன்வாரிலால் புரோகித், முதலமைச்சர் எடப்பாடி பழனிசாமி ஆகியோர் கலந்து கொள்கின்றனர். திருப்பூரில் அமைய உள்ள இ.எஸ்.ஐ. மருத்துவமனைக்கும் பிரதமர் நரேந்திர மோடி அடிக்கல் நாட்டுகிறார். பின்னர் நடைபெறும் பாஜக பொதுக்கூட்டத்தில் கலந்து கொண்டு பிரதமர் மோடி உரையாற்றுகிறார். பிரதமர் மோடி வருகையையொட்டி பொதுக்கூட்டம் நடைபெறும் மைதானம் அருகே பலத்த போலீஸ் பாதுகாப்பு போடப்பட்டுள்ளது.