திருச்சியில் ஏற்பட்ட பயங்கரத் தீவிபத்தில் பாதிக்கப்பட்ட குடும்பங்களை அமைச்சர்கள் நேரில் சென்று பார்வையிட்டு ஆறுதல் கூறி நிவாரண உதவிகளை வழங்கினர்.
திருச்சி உறையூரில் பாண்டமங்கலம் தெற்குத் தெருவில் ஏற்பட்ட பயங்கரத் தீவிபத்தில் 5 குடிசை வீடுகள் எரிந்து சாம்பலாகின. சொக்கலிங்கம், குப்புசாமி, பாக்கியம், மகிளாம்பாள், சின்ன பொண்ணு ஆகிய 5 பேரின் வீடுகளில் வைக்கப்பட்டிருந்த பொருட்கள் முற்றிலும் எரிந்தன. இதுகுறித்து காவல் துறையினர் விசாரணை நடத்தி வருகின்றனர். இது குறித்துத் தகவல் அறிந்த அமைச்சர்கள் வெல்லமண்டி நடராஜன், வளர்மதி ஆகியோர் நேரில் சென்று பாதிக்கப்பட்டவர்களுக்கு ஆறுதல் தெரிவித்ததுடன் நிவாரண உதவிப் பொருட்களையும் வழங்கினர்.