பல்தான்ஸிடம் வீழ்ந்த நைட் ரைடர்ஸ்.. வெங்கடேஸ் ஐயரின் சதம் வீண்..!

ஐபிஎல் 22வது லீக் போட்டியில் கொல்கத்தாவை வீழ்த்தி 5 விக்கெட்டுகள் வித்தியாசத்தில் மும்பை அணி வெற்றி பெற்றது. ஐபிஎல் போட்டியின் 16வது சீசன் நடைபெற்று வரும் நிலையில், 22வது லீக் போட்டி மும்பையில் நடைபெற்றது. கொல்கத்தா மற்றும் மும்பை அணிகளுக்கு இடையேயான இந்த போட்டியில் டாஸ் வென்ற மும்பை அணி பந்துவீச்சை தேர்வு செய்தது. முதலில் பேட்டிங் செய்த கொல்கத்தா அணி 20 ஓவர்கள் முடிவில் 6 விக்கெட் இழப்பிற்கு 185 ரன்களை சேர்த்தது. அதிகபட்சமாக வெங்கடேஷ் ஐயர் 104ரன்களும், ரஸல் 21 ரன்களும், ரிங்கு சிங் 18 ரன்களும் குவித்தனர். பின்னர் விளையாடிய மும்பை அணி 17புள்ளி 4 ஓவர்கள் முடிவில் 5 விக்கெட் இழப்பிற்கு 186 ரன்கள் எடுத்து வெற்றி பெற்றது. மும்பை அணியில் அதிகபட்சமாக இஷான் கிஷன் 58 ரன்களும், சூர்யகுமார் 43 ரன்களும், திலக் வர்மா 30 ரன்களும் எடுத்தனர்.