எம்.பி.பி.எஸ்., பி.டி.எஸ் படிப்பில் சேருவதற்கான கலந்தாய்வு தொடங்கியது. மருத்துவ படிப்புகளுக்கான சிறப்பு பிரிவினருக்கான கலந்தாய்வு சென்னை அண்ணா சாலையில் உள்ள ஓமந்தூரார் அரசு பன்னோக்கு மருத்துவமனையில் தொடங்கியது. முதல் நாளன்று மாற்றுத்திறனாளி மாணவர்கள், முன்னாள் ராணுவ வீரர்களின் வாரிசுகள் மற்றும் விளையாட்டு பிரிவு மாணவர்களுக்கான சிறப்பு கலந்தாய்வு நடைபெறுகிறது. மாற்றுதிறனாளி மாணவர்களுக்கு 127 இடங்கள் ஒதுக்கப்பட்டு, இதற்காக 52 மாணவர்களுக்கு அழைப்பு விடுக்கப்பட்டுள்ளது.
விளையாட்டு பிரிவு பொறுத்தவரை 8 இடங்களுக்கு 40 மாணவர்களுக்கு அழைப்பு விடுக்கப்பட்டுள்ளது. முன்னாள் ராணுவ வீரர்களின் வாரிசுகளுக்கு ஒதுக்கப்பட்டுள்ள 11 இடங்களுக்கு 30 மாணவர்களுக்கு அழைப்பு விடுக்கப்பட்டது. பொது பிரிவினருக்கான கலந்தாய்வு செவ்வாய்க் கிழமை தொடங்கி 5 நாட்கள் நடைபெறும் என்று தெரிவிக்கப்பட்டுள்ளது.