நாகர்கோவிலில் இரு சக்கர வாகனம் லாரி மீது மோதிய விபத்தில் இருவர் நிகழ்விடத்திலேயே உயிரிழந்தனர். மற்ற இருவர் உயிருக்கு ஆபத்தான நிலையில் மருத்துவமனையில் சிகிச்சை பெற்று வருகின்றனர்.
நாகர்கோவில் அருகுவிளையைச் சேர்ந்த சுனில், அஜய், கண்ணன், ராஜு நான்குபேரும் அந்தப் பகுதியில் உள்ள தனியார் மருந்துக்கடையில் வேலை பார்த்து வந்தனர். நேற்றிரவு புத்தாண்டைக் கொண்டாட இவர்கள் நான்கு பேரும், ஒரே இரு சக்கர வாகனத்தில் பயணித்தனர். அதிவேகத்தில் சென்ற இவர்களுடைய இருசக்கர வாகனம் நிலைதடுமாறி எதிரே வந்த லாரி மீது மோதியுள்ளது. இந்த விபத்தில், சுனில், அஜய் ஆகியோர் நிகழ்விடத்திலேயே உயிரிழந்தனர். கண்ணன், ராஜு ஆகிய இருவரும் உயிருக்கு ஆபத்தான நிலையில், ஆசாரிப்பள்ளம் அரசு மருத்துவமனையில் சிகிச்சைக்கு அனுமதிக்கப்பட்டுள்ளனர். இந்த விபத்துக் குறித்து வடசேரி காவல்துறையினர் விசாரித்து வருகின்றனர்.