பிற்பகல் 3 மணிநேர நிலவரப்படி அதிகபட்சமாக மேற்கு வங்கத்தில் 70 சதவீத வாக்குகள் பதிவாகியுள்ளன.
டெல்லி உள்ளிட்ட 7 மாநிலங்களில் உள்ள 59 மக்களவை தொகுதிகளுக்கு இன்று காலை முதல் வாக்குப்பதிவு நடைபெற்று வருகிறது. பிற்பகல் 3 மணி நிலவரப்படி 59 தொகுதிகளிலும் சராசரியாக 50 புள்ளி 57 சதவீத வாக்குகள் பதிவாகியுள்ளன. இதில் அதிகபட்சமாக மேற்கு வங்கத்தில் 70 புள்ளி 16 சதவீதமும், அடுத்ததாக ஜார்கண்டில் 58 புள்ளி 08 சதவீதமும் வாக்குகள் பதிவாகியுள்ளன. அதேசமயம் நாட்டின் தலைநகரான டெல்லியில் வாக்குப்பதிவு மந்தமாகவே காணப்படுகிறது. அங்கு 44 புள்ளி 69 சதவீத வாக்குகள் மட்டுமே பதிவாகியுள்ளன.