உள்ளாட்சித் தேர்தலில் அதிமுக சார்பில் போட்டியிடும் மூன்றாம் கட்ட வேட்பாளர்கள் பட்டியல் வெளியிடப்பட்டுள்ளது.
ஊரக உள்ளாட்சி அமைப்புகளுக்குப் போட்டியிடும் அதிமுக வேட்பாளர்கள் கொண்ட இரண்டு பட்டியல் ஏற்கெனவே வெளியிடப்பட்டுள்ளது. இந்நிலையில் பல்வேறு மாவட்டங்களில் மாவட்ட ஊராட்சி வார்டு உறுப்பினர் பதவிக்குப் போட்டியிடும் அதிமுக வேட்பாளர்கள் அடங்கிய மூன்றாவது பட்டியல் வெளியிடப்பட்டுள்ளது. இது குறித்து அதிமுக தலைமைக் கழகம் வெளியிட்டுள்ள அறிவிப்பில், கடலூர் கிழக்கு, கடலூர் மத்தியம், கடலூர் மேற்கு, தருமபுரி, ஈரோடு மாநகர், ஈரோடு புறநகர், திருப்பூர் மாநகர், திருப்பூர் புறநகர், கோவை மாநகர், கோவை புறநகர், புதுக்கோட்டை, திண்டுக்கல், கன்னியாகுமரி கிழக்கு, கன்னியாகுமரி மேற்கு ஆகிய மாவட்டங்களில் மாவட்ட ஊராட்சி வார்டு உறுப்பினர் பதவிக்குப் போட்டியிடும் அதிமுக வேட்பாளர்கள் பட்டியல் வெளியிடப்பட்டுள்ளது.