உள்ளாட்சித் தேர்தல் குறித்த அதிமுக ஆலோசனை கூட்டம் சென்னையில் நடைபெற்றது
தமிழகத்தில் உள்ளாட்சித் தேர்தல் அட்டவணை விரைவில் அறிவிக்கப்பட உள்ள நிலையில், அதிமுக மக்களவை, மாநிலங்களவை உறுப்பினர்கள், சட்டமன்ற உறுப்பினர்கள், மாவட்ட செயலாளர்கள் மற்றும் நிர்வாகிகள் உடனான ஆலோசனை கூட்டம், சென்னை ராயப்பேட்டை தலைமை அலுவலகத்தில் நடைபெற்று வருகிறு. அதிமுக ஒருங்கிணைப்பாளரும் துணை முதலமைச்சருமான ஓ.பன்னீர்செல்வம், அதிமுக இணை ஒருங்கிணைப்பாளரும் முதலமைச்சருமான எடப்பாடி பழனிசாமி ஆகியோர் முன்னிலையில் நடைபெறும் இந்த ஆலோசனை கூட்டத்தில், அமைச்சர்களும் கலந்து கொண்டுள்ளனர். இந்த கூட்டத்தில், நடைபெற உள்ள உள்ளாட்சித் தேர்தல் குறித்தும், தேர்தல் வியூகங்கள் குறித்தும் விவாதிக்கப்படுவதாக கூறப்பபடுகிறது.