உள்ளாட்சி தேர்தலுக்காக வார்டு வாரியாக வாக்குச்சாவடி பட்டியல் தயாரிக்கப்பட்டு வருகிறது.
உள்ளாட்சித் தேர்தலுக்கான பணிகள் தீவிரமாக நடைபெற்று வருகின்றன. பெருநகர சென்னை மாநகராட்சியில் 200 வார்டுகளுக்கான வார்டு வாரியான வாக்குச்சாவடி பட்டியல் தயாரிக்கப்பட்டு வருகிறது. மொத்தம் 5 ஆயிரத்து 720 வாக்குச்சாவடிகள் உருவாக்கப்பட்டுள்ளது. வரைவு வாக்குச்சாவடி பட்டியல் நாளை மறுநாள் மாவட்ட தேர்தல் ஆணையர் அலுவலகம், மண்டல அலுவலகங்கள், அனைத்து வார்டு அலுவலகங்கள், வாக்காளர் பதிவு அலுவலகம் மற்றும் வருவாய் அலுவலர் அலுவலகம் ஆகிய இடங்களில் பொது மக்கள் பார்வைக்காக வைக்கப்படும் என சென்னை மாநகர ஆணையர் கோ.பிரகாஷ் தெரிவித்துள்ளார்