வேலூர் மாவட்டம் குடியாத்தம் அருகே வீட்டுக்குள் புகுந்து சிறுத்தை தாக்கியதில், 3 பேர் படுகாயம் அடைந்தனர்.
குடியாத்தத்தை அடுத்த கலர்பாளையம் பகுதியில் வேலாயுதம் என்பவரது வீட்டுக்குள் நள்ளிரவில் சிறுத்தை புகுந்தது.
சத்தம் கேட்டு, அறையில் இருந்து வெளியே வந்த வேலாயுதத்தின் மனைவி பிரேமா, மகன் மனோகரன், மகள் மகாலட்சுமி ஆகியோரை சிறுத்தை தாக்கியது.
இதையடுத்து அலறியடித்து கொண்டு அவர்கள் வீட்டில் இருந்து வெளியே ஓடி வந்தனர். பின்னர், சிறுத்தையை வீட்டிற்குள் வைத்து பூட்டிய அவர்கள், வனத்துறைக்கு தகவல் கொடுத்தனர். விரைந்து வந்த வனத்துறையினர் சிறுத்தையை பிடிக்கும் பணியில் ஈடுபட்டுள்ளனர்.
இதனிடையே, சிறுத்தை தாக்கியதில் படுகாயமடைந்த 3 பேரும் குடியாத்தம் அரசு மருத்துவமனையில் அனுமதிக்கப்பட்டுள்ளனர்.